你話電影係造夢的地方，還是反影現實的地方呢？

之前有一晚，半夜三更，打開電視，在眾多的電視頻道中，發現有一條電視頻道正在播放周星馳的電影。電影名稱沒有留意，內容是講周星馳做臥底要扮學生入中學讀書。星爺讀書當然唔掂，所以測驗便要“出貓”。“出貓”當然唔成功，跟住就有以下一段：

（人物：校長＋訓導主任＋老師2位，地點：教員休息室）

訓導主任：「測驗居然作弊，大家認為該如何處置？」

老師A：「主任不用激動，其實我們都當過學生，作弊其實都不是大不了的事情。（訓導主任怒目而視，老師A忽然提高聲線）不過，中史科測驗居然拿國文書出來作弊，未免也太蠢啦。」

（大家都冇意見啦，這麼蠢的學生，係好難教啦。）

訓導主任：「咁這件事點處理呀？」

老師A續道：「應該補測，一次唔識，再補測，二次唔識，再補，補到識為止。」

訓導主任：「咁即係罰佢定罰我！」（訓導主任好似不甘心啦）

老師B附和：「A說得對呀，我們應該把學生教好嘛。」

以上內容係唔係好攪笑，係大家笑到肚痛的時候，係唔係覺得星爺的“橋段”好好呢。

我想講一句，以上內容“如有雷同，全部屬實”。“出貓”時拿錯課本，真係大有人在。至於補測又補測嘛，其實係要個老師識做，合格啦就唔駛再出卷啦。

所以呢，個晚我覺得心情特別舒暢，因為有人講出了現在老師的苦況。